TODA weer met Kerst op TV Oost

Op goonsdag 21 december wordt de traditionele kasnachtdiens in de Overiesselse streektalen van RTV Oost op-enommen. Noa 'n antal joaren zoonder publiek is dit joar iederene wier van harte welkom um dissen diens biej te wonnen in de Sint Vituskerk in Dedemsvaart. Iej könt der vuur niks in. De kark is vanof 19.00 uur los en 'n diens begint um 19.30 uur.
Dissen diens wordt kats in de Overiesselse dialecten sprokken. Vuurgangers bunt classis predikant Klaas van de Kamp en bisschoppelijk vicaris Ronald Cornelissen. De muziek koomp van koor TODA oet Riessen, Geert van de Logt op gitaar en Jan Kamphuis op 't orgel. 't Thema van dit joar is Vrea.
De kasnachtdiens in de streektaal köj biej RTV Oost op 24 december um 20.00 en 23.00 uur en op eersten kasdag um 09.00 uur zeen. 'n Diens kö'j heuren op Radio Oost, kasoamnd um 20.00 uur en op eersten kasdag um 07.00 uur.